Sot, të bësh një bisede telefonike nga Nju Jorku në Kaliforni nuk llogaritet si diçka madhështore, por ta bëje këtë më 1915-ën sigurisht se ishte diçka e jashtëzakonshme. Mendoni se jeni 100 vjet më parë, ku një bisedë verbale përmes telefonit që përshinte kontinentin ishte një arritje e pabesueshme teknologjike.
Dita e diele shënoi 100 vjetorin e asaj që njihet si “thirrja e parë transkontinentale me telefon”, i bërë nga shpikësi ikonë i komunikimit Alexander Graham Bell, nga New York tek asistenti i tij Thomas Watson në San Francisko. Telefonata gjithashtu përfshinte edhe presidentin Woodroë Wilson, i cili ishte në Shtëpinë e Bardhë, dhe presidentin e AT&T Theodore Vail në Gjeorgji.
Linja e parë ceremoniale transkontinentale ishte hapur më 25 janar, 1915. Bell ishte gjithashtu prapa thirrjes së parë telefonike të të gjitha kohërave, që u bë më 10 mars, 1876 – 39 vite para bisedës transkontinentale.
Biseda e parë telefonike ishte bërë në mes të Bell dhe asistentit të tij Watson. Fjalët e para që ishin thënë në këtë telefonatë ishin nga Bell, që i kishte thënë asistentit të tij: “Z.Watson, ejani këtu. Eja këtu, dua të të shoh”.
AT&T ndërtoi gjithashtu sistemin e parë telefonik, i cili përfshinte 130,000 pole telefonike dhe 2,500 tonë tela bakri që shtriheshin në 3400 milje.
E gjitha kjo për një bisedë katër-palëshe përmes telefonit – një rrugë mjaft e gjatë nga të qenit në gjendje për të përdorur tashmë FaceTime në iPhone.
Telefonat historik janë shfaqur nga 22 janari për t’u parë në San Francisko./lajmi.net/