Ka qenë e mbushur tribuna VIP e “Qemal Stafës” edhe këtë ndeshje të fundit të këtij sezoni të Superligës.
Tifozët e Partizanit nuk e kanë fshehur zhgënjimin e tyre jo për humbjen 1-2 nga Teuta, por që edhe këtë herë nuk e prekën dot kupën e kampionit.
Në këto foto të publikuara në rrjetet sociale duket Olsi Rama, vëllai i kryeministrit Rama që nuk e ze vendi dhe vetëm flet. Më pas dikush e ngushëllon për humbjen.
Erion Braçe qau. E ka pranuar vetë në faqen e tij në Facebook ku pretendon se kampionati u trukua dhe se ndeshja e Vlorës u ble. “Po, me shkuan dhe lot!! Besoj qe Sokol Balla prej Top Channel u interesua per kete; Nuk me vjen turp ta them, nje burre qan edhe per pasionet e tij, PARTIZANI eshte njeri. Por e dini cfare; Lote me shkuan per GAREN qe vdiq edhe nje here tjeter sot” – shkruan ndër të tjera Braçe.
Ç’mund të themi për Çiljetën. E ka mbytur mërzinë me cigare ndërsa pjesën më të madhe e ka kaluar në telefon.