Qindra mijëra njerëz vërshuan në Rio de Janeiro për të parë shkollat elitare të sambas tek konkurrojnë në ditën e dytë të karnavaleve. Më shumë se 70 shkolla po marrin pjesë në karnavalet pesë-ditore në Brazil, shkruan “Euronews”. Rio shpreson se festivali do të tërheqë me shumë se një milion vizitorë dhe se do të gjenerojë rreth një miliardë dollarë për ekonominë lokale. Edhe pse turma festive është e prirur ta harrojë, parada e këtij viti është duke u zhvilluar ndërkohë që Brazili përpiqet të shpëtojë nga recesioni ekonomik dhe paqëndrueshmëria politike që ka ‘pushtuar’ vendin.
