Një tjetër akuzë e fortë vjen këtë të djelë nga ish -kryeministri Sali Berisha për kryeministrin Rama. Mjaft aktiv në facebook ditën e sotme, postimi i radhës për Festën e Pezës.
Berisha shkruan se në këtë festë qeveria e drejtuar nga Edi Rama përdhosi flamurin kombëtar. Kjo për faktin se në këtë festë u valvitën flamuj me shqiponjën dykrenare dhe me yllin partizan.
“Peza perçarese! Rikthehet flamuri me yll, perdhoset flamuri kombetar nga qeveria e neo-bllokmenit Edvin Kristaq Rama. sb”, shkruan ish -kryeministri.
Ylli partizan është hequr nga flamuri kombëtar me vendim të parlamentit të dalë nga zgjedhjet e 22 marsit të vitit 1992 (lexo më poshtë në rubrikën lamje të lapsi.al). Simbolet kombëtare përcaktohen me Dipozita Kryesore Kushtetuese. /Lapsi.al