Të paktën 5 persona mbetën të vdekur nga një sulm me armë pranë një shkollë fillore në Kaliforni të Shteteve të Bashkuara të Amerikës.
Akoma nuk dihet motivi i këtij sulmi pasi agresori është vrarë nga policia. Sipas një zyrtari të lartë të qytezës Tehama ku ndodhi sulmi, nuk ka humbur jetën asnjë fëmijë. Ndërkohë, mësohet se ka edhe persona të tjerë të plagosur, numri i të cilëve nuk është bërë i ditur ende.
Dyshohet se autori i masakrës ka përfunduar rastësisht në shkollën fillore, pasi sulmin e tij me armë e ka nisur disa minuta më parë duke qëlluar drejt banesave dhe duke i ‘zgjedhur’ viktimat e tij rastësisht. Hetimet për të hedhur më shumë dritë mbi këtë ngjarje të rëndë vazhdojnë me intensitet të lartë.
©LAPSI.AL