Diomet Musa, 30-vjeçari nga Saranda i shpallur në kërkim prej dy muajsh si i përfshirë në një përplasje me armë me tre të plagosur në këtë qytet, u arrestua ditën e sotme.
Policia sqaron se për Musën gjykata ka dhënë masën arrest me burg për dy vepra, atë të plagosjes së rëndë me dashje dhe prodhimit e mbajtjes pa leje e armëve luftarake dhe e municionit.
Një grup personash u përfshinë në një përplasje me armë gjatë orëve të natës së 28 Gushtit, në lagjen numër 1 të Sarandës.
Nga kjo ngjarje mbetën të plagosur Antonio Shyti, Besim Xhafa dhe Fisnik Musaj.
Nga hetimet u arrit në përfundimin se Antonio Shyti, Besim Xhafa, Renald Canaj dhe A.Q., u përplasën fillimisht fizikisht me Fisnik Musajn dhe të arrestuarin e kësaj të mërkure, Diomet Musën. Konflikti, i cili ndodhi për motive të dobëta, degjeneroi deri në përdorimin e armëve të zjarrit.