“Salvator Mundi”, piktura e famshme e Leonardo da Vinçit u shit për 450 milion dollarë në ankand. Në shqip, shpëtuesi i botës, është bërë kështu vepra e artit më e shtrenjtë në histori.
Listën deri më 2015 e kryesonte ‘Interchange’ e Willem De Kooning, me 300 milionë dollarë.
Leonardo u ekspozua për herë të fundit në National Gallery të Londrës, para ankandit të organizuar nga shtëpia e ankandeve Christie’s.
Tabloja përfaqëson Krishtin, dhe prej kohësh ishte konsideruar si një kopje, derisa ekspertët provuan origjinalitetin e saj.
Ajo posedohej nga një koleksionist privat, para se të nxirrej ne ankand mbrëmjen e djeshme.
“Të paktën 20 tablo të Leonardo da Vinçit ekzistojnë edhe sot”, sipas shtëpisë së ankandeve “Christie’s”. Me përjashtim të ‘Salvator Mundi’, të gjitha janë në pronësi të muzeve apo institucioneve.