Kompozitori i njohur Aleksandër Lalo ka ndërruar jetë mbrëmjen e së dielës, ndërkohë që TV Klan transmetohej emisioni “C’est la vie”, ku profesori ishte pjesë e jurisë. Në shenjë respekti, TV Klan nuk e vazhdoi spektaklin e sotëm dhe vendosi ta ndërpresë emisionin, sapo është mësuar për vdekjen e kompozitorit. Lalo ndërroi jetë në moshën 68 vjeçare dhe ka lënë pas një krijimtari të pasur në kompozime të zhanreve të ndryshme të muzikës.