• |
ide | kryesore

Si mund të hiqet kryeprokurori nga duart e Ramës?

2, Ide

Skadimi i mandatit të Adriatik Llallës duket se ka ndezur një përplasje të re në vend. Nga njëra anë janë socialistët që numërojnë ditët me gishatat e dorës, për të hequr qafe sa më parë, një njeri të vendosur me votat e dyshes Berisha- Meta. Megjithëse gjatë ushtrimit të mandatit të tij ai nuk i ka futur asnjë gjemb në këmbë Rilindjes, përpos disa deklaratave, që më shumë kanë krijuar tym sesa kanë dhënë efekte, PS po e pret me padurim çlirimin e prokurorisë nga ai që e ka etiketuar si kundërshtar dhe vendosjen atje të një njeriu të saj.

Në anën tjetër është opozita që ka ngritur alarmin se socialistët po shfrytëzojnë vakumin ligjor (Kushtetuta e parashikon që kryeprokurori i ri t’i propozohet kuvendit nga Këshilli i lartë i prokurorisë që nuk është ngritur ende) për të vendosur të zgjedhurin e tyre në këto kohë të nxehta për prokurorinë.

Pikërisht në mes të këtij debati janë futur si pykë edhe specialistët ligjorë të OPDAT – Euralius që kanë bërë një propozim kontravers. Sipas tyre Adriatik Llallës nuk mund t’i zgjatet mandati përtej fillim dhjetorit. Kryeprokurori i ri nuk mund të zgjidhet, sepse organet e parashikuara nga reforma në drejtësi, nuk janë gati ende. Prandaj ata sygjerojnë zgjedhjen e një prokurori kalimatar (siç e parasheh ligji për prokurorinë). Por, ajo që bën më çudi në propozimin e tyre është se parlamenti këtë kryeprokuror mund ta zgjedhë me shumicë të thjeshtë: Pra vetëm me votat e Edi Ramës.

Dhe këtu turbullia është e madhe. A mund t’i lihet në dorë Ramës zgjedhja e kryeprokurorit në kulmin e skandalit Tahiri? A mund t’i varen atij mëlçitë në qafë kur në rrejtën e hetimeve mund të bien edhe uqër të majmë në Durrës apo Elbasan?

Pra pyetja që shtrohet është e thjeshtë: në këtë periudhë konfuze a mund të vendoset në krye të organit të akuzës një njeri i kryeministrit?

Ata që duan të paqtojnë ujrat thonë se koha e tij në detyrë do të jetë e limituar (sa të zgjidhet këshilli i lartë i Prokurorisë) dhe për pasojë efekti i tij nuk do të ndihet shumë. Por, për këtë askush nuk jep garanci. Sepse siç është shtyrë deri tani ngritja e organeve të reja mund të degdiset për në kalendat greke, apo aq sa kohë t’i duhet mazhorancës për të zgjidhur hallet e saj.

Ka dhe një pretendim të dytë që tenton të qetësojë gjakrat. Sipas tij, reforma në drejtësi, tashmë në fuqi, i ka reduktaur ndjeshëm influencat e Prokurorit të përgjithshëm, dhe çdo vartës i tij me integritet mund të vazhdojë hetimin e dosjeve të nxehta pa pyetur për shefin që ka mbi kkokë dhe pa i dhënë llogari atij.

Atëherë, relativizojnë mbrojtësit e këtij pretendimi, nuk ka kuptim gjithë kjo zhurmë e madhe se kush po e kap prokurorinë.

Por paradoksalisht, ky argument, ngërthen mbi vete edhe të kundërtin e tij. Po atëherë, kur qenka kaq e parëndësishme pse u dashka zgjedhur kryeprokurori kalimtar (I përkohshëm) vetëm me votat e PS?

Po të shikosh se si e parasheh kushtetuta zgjedhjen e kreut të organit të ri të akuzës (Pas tre propozimeve që bën Këshilli i lartë i Prokurorisë i pa ngritur ende) ai kërkon 3/5 e votave të kuvendit. Madje madje, si garanci politike u vendos një dispozitë kalimtare që herën e parë ai të zgjidhej me 2/3 votave.

Pra, nëse në këtë moment jemi në një ngërç ligjor, nëse mekanizmi i plotë i paraparë nga reforma në drejtësi nuk është vënë ende në punë, përse mos zgjidhjej edhe pasardhësi kalimtar i LLallës me një votim konsensual, ashtu sikurse parasheh fryma e kushtetutës?

Nëse vërtet donin të tregoheshin dashamirës me Ramën specialistët e EURALIUS – OPDAT-it mund të kishin propozuar këtë rrugë. Së pari ata do ta zhvishnin kryeministrin nga akuzat se po kap prokurorinë. Së dyti nëse njerzit e tij dalin të pafajshëm nga hetimen ku janë përfshirë, Rama do të lehtësohej edhe nga hamendësmet se i ka mbyllur në mënyrë okulte këto çështje.

Dhe të gjithëve juristët ndërkombëtarë do të na shmangnin debatin e kotë se kush po e rëmben vendin bosh të Llallës.    

©Lapsi.al

8 Comments

  1. Vetem shba dhe be (euralius dhe opdat ) mund te pastroje llumbin e ndyre te drejtesise dhe politikes +medias shqiptare.Besimi i shumices derrmuese te votuesve shqiptare eshte tek shba dhe be.Kot mundoheni te baltosni ne kazanit e mediatikeve shqiptare shba dhe be.

  2. O Andi, nuk te mendoja kaq te pamend. Nuk do as mend as kalem se kush fshihet pas OPDAT dhe EURALIUS dhe se si u dha kjo keshille per Prokurorin e Pergjithshem. Si gazetar me integritet qe je thuaje haptas se si qendrojne punet, mos u fsheh pas aludimeve….

  3. Andi! Pse i fshin komentet? A e di ti se kush eshte gjuha jote e poshter per te tjeret! Po gjuha ime eshte te te pyes dhe ti je i detyruar te pergjigjesh ! Ku i gjetet parate bashke me Shkullakun,pupetin e Argites e hapet Lapsi.al! Ku i gjete parate qe bleve shtepi ne Golem afer Fevzos dhe ne pronesi te Sandrit? A eshte e vertete qe je impotent? A eshte e vertete qe Zj. Ballanca te zuri ne shtrat me nje mashkull? Kush te shpuri ne emisionin e Yllit bashke me Lubon dhe kush ju paguan edhe sot? Pasi t’u pergjigjesh ketyre pyetjeve, ka dhe te tjera,pastaj vazhdo te lehesh dhe te nxjeresh mut nga goja jote e ndyre!

  4. Rama , Xhafaj, Veliaj, Tahiri, Nano, Basha, Meta,Kryemadhi,Vasili, Berisha , Dako , Ruçi, Ahmetaj, Gjiknuri ,Bushati,Llalla e shume te tjere jane per burg . Sikur njeri prej tyre te shpetoj, shpeton sistemi i korruptuar, dhe jemi ne perseritje te historis ,jemi andej nga fillimi i viteve 1998!

Lini një Përgjigje

Adresa juaj email s’do të bëhet publike.

Kthehu