• |
ide | kryesore

VIDEO/ Skënderbeu fiton ndaj Dinamos së Kievit, por eliminohet nga Europa League

Arkiva, Kryesore, Sport



Skënderbeu ka bërë një ndeshje fantastike ndaj Dinamos së Kievit në një stadium të boshatisur në Elbasan Arena. Korçarët pësuan një gol të shpejtë, por shënuan 3 herë në portën e ukrainasve duke e përmbysur rezultatin e fillimit të ndeshjes.

Në minutën e 16-të Shigankov kaloi në avantazh Dinamon pas një aksioni model në krahun e majtë. Një minutë më pas Skënderbeu barazoi rezultatin me Sabjen Lilaj. Korçari lëshoi një predhë nga 25 metra. Topi u devijua nga një mbrojtës dhe përfundoi në rrjetë. Me këtë rezultat u mbyll pjesa e parë.

Në minutën e 52-të Xhejms Adenij kaloi në avantazh korçarët, pas asistit me kokë të Souesë. Vetëm disa metra larg vijës fatale, nigeriani e ka shumë të lehtë ta dërgojë topin në rrjetë. 4 minuta më pas në të 56-tën ishte fantastik Ali Soue, i cili pasi mori një pasim nga Gavazaj, i vetëm me portierin, e shmangu këtë të fundit duke çuar topin në rrjetë.

Në minutën e 91-të një gabim në mbrojtjen e Skënderbeut i dha mundësine Rusyn të gjejë rrugën e rrjetës, duke ngushtuar diferencën, në 3-2. Edhe në sekondat e fundit korçarët shpëtuan mrekullisht pa pësuar golin e barazimit.

Për fat të keq Skënderbeu u eliminua nga Europa League edhe pse ka mbetur edhe një ndeshje për tu luajtur në grupe. Kjo për shkak të fitores 2-1 në Beograd të Partizanit ndaj Young Boys. ©LAPSI.al 



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *