Të paktën 50 persona janë lënduar në një përplasje trenash në afërsi të Dyseldorfit. Policia gjermane tha se incidenti ndodhi kur një tren pasagjerësh u përplas me një tren mallrash në Meerbusch. Në një postim në “Twitter”, departamenti lokal i zjarrfikësve tha se largimi i njerëzve nga treni ishte prioritet kryesor.
Përllogaritet të ketë pasur rreth 150 persona në bordin e trenit në momentin e përplasjes. Meerbush ndodhet në Vestfalinë mbi Rin, landi me popullsinë më të dendur në Gjermani. 
