Në Nion të Zvicrës u hodh këtë të hënë shorti i shumëpritur i Champions League për fazën e 1/8-ve. Një ndër përballjet më interesante që rezervuan goglat ishte padyshim edhe ajo mes Chelsea dhe Barcelona.
Por menjëherë pas hedhjes së shortit tifozët e “bluve të Londrës” kanë shpërthyer në akuza ndaj Xavi Alonso që tërhoqi goglat. Sipas tyre ai e ka manipuluar shortin pasi ka parë me kujdes dy goglat që përmbanin rivalët e Chelsea që ishin Barcelona dhe Beshiktash.
Sipas tyre, ish-lojtari i Real Madrid, Liverpool dhe Bayern Munich ka kapur me dorë goglën e Barcelonës që në fillim dhe ka bërë sikur i ka përzier për pak çaste.
Gjithsesi më poshtë edhe VIDEO e këtij momenti dhe ju mund të gjykoni vetë nëse qëndrojnë pretendimet e tifozëve të Chelsea.
Ndryshe nga tifozët e Chelsea, ata të Liverpool e kanë falënderuar ish-lojtarin e tyre pasi u vuri përballë skuadrën e Portos. ©LAPSI.al
