Prokurori Arqile Koça, i pari që paraqiti kandidaturën dhe platformën e tij pra anëtarëve të Komisionit të Ligjeve, u shpreh se prioritet i jep zbatimit të reformës në drejtësi.
Koça, i cili ka qenë prokuror në Devoll, Korçë dhe tani në Prokurorinë e Përgjithshme, u shpreh se Prokurori i Përgjithshëm duhet të marrë kompetencat sa i takon zbatimit të Reformës në Drejtësi.
Ai shtoi se me rëndësi është rritja e bashkëpunimit mes organit të prokurorisë, policisë dhe gjykatave.
“Jam kujdesur për integritetin profesional dhe moral. Kam marrë pjesë në çështje të rëndësishme penale. Kam marrë pjesë në çështjen e Gerdecit, në atë të vrasjes së Azem Hajdarit.
Sa i takon pozicionit për të cilin garoj, do të thoja se është me rëndësi që të ecet përpara me zbatimin e reformës në drejtësi. Prokurori i Përgjithshëm duhet të marrë kompetencat sa i takon zbatimit të Reformës në Drejtësi. Ajo që ka rëndësi është një përmirësim i bashkëpunimit mes organit të prokurorisë, policisë, dhe gjykatave” – u shpreh Koça.
Në seancën dëgjimore nuk marrin pjesë deputetët e PD-së dhe LSI-së, të cilët e cilësojnë atë si anti-kushtetuese. ©LAPSI.AL