• |
ide | kryesore

Rama dërgon Fatmir Xhafajn tek Arta Marku për dosjet e Vetingut të prokurorëve

Lajme, Të fundit

Nuk kalon ditë pa ndodhur një vrasje, një grabitje apo një atentat në Shqipëri, por prioritet i Ministrit të Brendshëm, Fatmir Xhafaj vazhdon të jetë Vetingu i gjykatësve dhe prokurorëve. Në takimin që pati me Arta Markun në prokurorinë e Përgjithshme, sipas njoftimit zyrtar, thuhet se vetingu në sistemin e drejtësisë ka qenë pjesë e diskutimit mes të dyve.

“Në takimin e zhvilluar ditën e premte në qendër të diskutimit ishte procesi i Vetingut në sistemin e drejtësisë, si edhe i njëjti proces i pritshëm edhe në radhët e Policisë së Shtetit. Dy titullarët shprehën dakordësinë e plotë se këto procese kërkojnë një komunikim të vazhdueshëm dhe intensiv, me qëllim realizimin sa më të plotë dhe të shpejtë të pastrimit të institucioneve të sigurisë dhe të sistemit të drejtësisë nga zyrtarët me probleme në integritetin profesional dhe personal” thuhet në njoftimin për shtyp.

Përdorimi i Arta Markut si presion për prokurorët nëpërmjet procesit të Vetingut ka qenë një nga dyshimet më të mëdha sesi Partia Socialiste do ta përdorte kryeprokuroren e re.
Arta Marku do të ketë kompetencë të përgatisë dosjet e prokurorët që do të hyjnë në Veting nëpërmjet vlerësimeve që bën. Në këtë mënyrë ajo ka edhe mundësinë për të ndikuar në çështje të caktuara në hetim.
Pikërisht në këtë proces kërkon të jetë pjesë edhe pasardhësi i Saimir Tahirit në Ministrinë e Brendshme. Ministri i Ramës, sipas njoftimit zyrtar, do të jetë pjesë e procesit të vetingut të prokurorëve, ndërkohë që dosjet që socialistët kërkojnë të mbyllin janë tashme publike.

1 Comment

  1. E vertete o sharlatan gazetare ,se pa prokurore e gjyqtare te ndershem ne zbatim te ligjeve e te drejtesise, ato akte krimi qe shpreh zotrote ne fillim te artikullit nuk do eleminohen por do te shtohen me shume fale dhe pune destruktive qe beni dhe ju si “gazetaruce “

Lini një Përgjigje

Adresa juaj email s’do të bëhet publike.

Kthehu