Në ndeshjen mes Nantes dhe PSG në kampionatin francez ndodhi diçka e pazakontë. Kur po luheshin minutat e fundit të takimit, futbollisti i Nantes, Diego Carlos pengoi dhe rrëzoi arbitrin e ndeshjes në mënyrë të pavullnetshme.
Reagimi i arbitrit ka qenë i çuditshëm. Në fillim ai ka tentuar që ta rrëzojë lojtarin duke zgjatur këmbën, por më pas është ngritur në këmbë dhe e ka ndëshkuar me karton të kuq. Presidenti i Nantes tha pas takimit se ky ishte një reagim qesharak i gjyqtarit. “E gjithë bota po qesh me ne” – tha ai. Arbitri rrezikon ndëshkim për gjestin e tij. ©LAPSI.al