Moti i keq me reshje shiu që ka përfshirë vendin ka sjellë probleme në aksin rrugor Librazhd-Prrenjas.
Rrëshqitja masive e gurëve dhe dherave kanë bllokuar njërin krah të rrugës në afërsi të fshatit Hotolisht. Qarkullimi i makinave po bëhet vetëm me një sens.
Shërbimet e mirëmbajtjes po punojnë për pastrimin e rrugës, ndërsa në vendngjarje raportohet të kenë shkuar edhe forca të policisë rrugore.