Në Barcelonë shpërthyen sërish protestat. Shkak është bërë shtyrja e votimit të presidentit të ri të rajonit nga Parlamenti i Katalonjës.
Partitë pro pavarësisë së Katalonjës nga Spanja, të cilat përbëjnë shumicën në parlament, kanë emëruar vetëm një kandidat, ish-presidentin në mërgim, Karles Puigdemont.
Mosmarrëveshjet mes Barcelonës dhe Madridit duket se do të thellohen, pasi partitë në të gjitha anët e debatit i kanë ngurtësuar pozicionet e tyre.
Demonstruesit u mblodhën në rrugën pranë parlamentit të Katalonjës në Barcelonë pas vendimit për të vonuar votimin për zgjedhjen e një presidenti të ri rajonal.
Ligjvënësit pro pavarësisë kanë shumicën, dhe kishin pritur që të zgjidhnin ish-presidentin katalan Karls Puigdemont të vazhdonte rolin e kreut rajonal, duke krijuar një tjetër përballje me Madridin.
Në vend të kësaj, parlamenti katalan shtyu seancën.