Pas marrjes së detyrës drejtori i përgjithshëm i Policisë së Shtetit, Ardi Veliu i ka nisur takimet nga qyteti i Shkodrës. Vizita vjen një ditë pas operacionit ku u arrestuan në Elbasan të dyshuarit si autorë të atentatit të 13 janarit të ndodhur në Shkodër, ku mbeti i plagosur rëndë Lulzim Kulla dhe 7 persona të tjerë.
Ai fillimisht është ndalur në drejtorinë vendore Shkodër ku ka bërë një falënderim për punën e bërë. Më pas drejtori Ardi Veliu ka shkuar në prokurorinë e Shkodrës ku po takohet me prokurorin Anton Martini.