Nadia Toffa: U largova nga Mediaset se isha e sëmurë me kancer

Janë të shumtë ata që ndjekin emisionin “Le Iene” në Mediaset. Prej më shumë se dy muajsh, gazetarja Nadia Toffa mungonte. Ajo ka dal mbrëmë dhe ka treguar për sëmundjen e saj që e mbajti larg ekranit. Sot ajo thotë se është shëruar 100%. “Në këta muaj jam kuruar; bëra së pari ndërhyrjen më pas kimioterapinë dhe radioterapinë. Ndërhyrja hoqi tumorin por mund të kishte mbetur një qelizë e vogël që të përbënte rrezik dhe për këtë arsye bëra kimioterapinë dhe radioterpainë. Në 6 shkurt përfundova gjithë kurën që parashikohej. Tani jam shumë mirë. Mendoj që nuk ka pse të më vij zor nga kjo që ka kaluar, as për faktin që mbaj paruke, këto nuk janë flokët e mi! Nuk kam pse fsheh që kam kaluar momente shumë të vështira”. – ka vijuar Toffa