Ministrja e Arsimit, Lindita Nikolla ishte e thirrur në Komisionin e Arsimit në Kryesinë e Kuvendit për të dhënë shpjegime se përse nuk janë bërë gati aktet nënligjore, që shkaktuan vonesat e rrogave të pedagogëve.
Në seancën dëgjimore, Lindita Nikolla nuk u paraqit, por dërgoi zv.ministrin e Arsimit duke thënë se kishte planifikuar një takim me homologun e saj të Kosovës, për një marrëveshje të përbashkët.
Prania e Lindita Nikollës ishte kërkuar nga deputetët e opozitës, të cilët thanë se është hera e tretë që Lindita Nikolla tallet në këtë formë me deputetët. Me refuzimin për t’u paraqitur në komision, Lindita Nikolla refuzoi t’i japë një përgjigje 123 pedagogëve që i kanë dërguar disa kërkesa dhe që paralajmërojnë një grevë të përgjithshme, nëse këto nuk plotësohen.
Kryetarja e Komisionit, Albana Vokshi tha se për shkak të shpërdorimit të detyrës nga Ministrja Nikolla pedagogët mbeten pa paga dhe të hënën ata u paguan nga tarifat e studentëve.
Pedagogët kanë firmosur një peticion me disa kërkesa për ministren e Arsimit, Lindita Nikolla. Në rast se kërkesat nuk do të plotësohen, 123 pedagogë paralajmërojnë të hyjnë në grevë.©Lapsi.al
Thone qe kjo ka bere edhe master profesional te nivelit te dyte, ne nje
Universitet te shquar privat ne Shqiperi.
Pika universiteteve qe presin nga nje injorante si kjo!