Presidenti francez, Emmanuel Macron deklaroi se do të urdhërojë sulme në Siri nëse zbulohen prova se qeveria e presidentit, Bashar al Assad ka përdorur armë kimike kundër civilëve.
Macron i tha gazetarëve se në një rast të tillë do të goditen vendet ku përgatiten ose nga ku nisen këto sulme me armë kimike.
Presidenti francez u shpreh se shërbimet e inteligjencës franceze nuk kanë ende prova të mjaftueshme se armët kimike janë përdorur kundër civilëve.
Por, Franca i cilëson si sulme me ‘firmën’ e qeverisë së Assadit ato të prillit të kaluar në Siri, ku armët kimike me gaz sarin goditën një provincë duke lënë mbi 86 persona të vdekur.