Kreu i opozitës shqiptare, Lulzim Basha reagoi në lidhje me deklaratat e bëra nga kryeministri Edi Rama në Kosovë. Basha shkruan se turpi i shqiptarëve ka hapur thesin e gënjeshtrave edhe në Kosovë.
“Mashtruesi i Tiranës paska hapur thesin edhe në Prishtinë. Futi kriminelët në qeveri dhe parlament, e mbushi vendin me drogë, çoi 500 mijë shqiptarë në emigracion, vodhi zgjedhjet, dhe tani po i jep mend Kosovës. Turpi i shqiptarëve, ky gënjeshtar i droguar!”, – shkruan Basha.
Nga ana tjetër, kryeministri i Shqipërisë Edi Rama akuzoi homologun kosovar Haradinaj për demarkacionin.