Kërkesa e PD-së për zgjedhjen e prokurorit të përgjithshëm dhe mbarimin e mandatit të Arta Markut eshtë rrëzuar sot në mbledhjen e përbashkët të Komisionit të Ligjeve dhe Këshillit të Legjislacionit.
Kryetari i parlamentit Gramoz Ruçi tha se qasjet janë të qarta, por procedura kërkon hedhjen në votim. Me 8 vota kundër dhe 6 pro, kërkesa e opozitës u hodh poshtë. Ruçi deklaroi më tej se raporti do i kalojë për miratim seancës plenare
Ndërkohë, më herët, gjatë fjalës së tij deputeti i PD-së Oerd Bylykbashi tha se seanca e 18 dhjetorit, datë në të cilën u zgjodh edhe kryeprokurorja Arta Marku ishte një ndër situatat më të paprecedente. Mes të tjerash ai kërkoi që kryeprokurores t’i ndërpritet mandati.