Zini Fyraj dhe Dashamir Gergali, dy prej autorëve të grabitjes së pikës së këmbimit valutor në Fier nuk kanë folur fare në seancën e sotme në Gjykatën e Fierit, ku u dha vendimi për masën e sigurisë “Arrest me burg”.
I vetmi që ka belbëzuar diçka dhe më pas ka heshtur ka qenë Lulëzim Demiraj, 43-vjeçari që akuzohet se ka qëlluar me automatik duke plagosur pronarin e pikës së këmbimit valutor Gëzim Hoxha dhe duke vrarë 54-vjeçarin Agur Vrenozi. Ai ka shprehur pendesë dhe ka kërkuar falje. “Jam penduar. I kërkoj falje popullit dhe drejtësisë”, – tha Demiraj.
Më pas ata kanë lënë gjykatën e Fierit, duke dalë me radhë, i pari Zihni Fyraj, i dyti Dashamir Gergali dhe i treti Lulëzim Demiraj.
https://youtu.be/bZGXoohjqrY