• |
ide | kryesore

Koreja e Veriut gati të heqë dorë nga armët bërthamore në këmbim të…

Planet
Kim-Jong-Uns-soaring-weight-gain-sign-of-health-problems-analyst-says.jpg



Koreja e Veriut është e gatshme të ndalojë veprimtarinë e saj lidhur me armët bërthamore, që nga prodhimi e deri tek testimi i tyre, nëse tërhiqen kërcënimet ndaj vendit.

Ky është përfundimi i cilësuar si ‘historik’ i bisedimeve dy-ditore mes delegacionit të Koresë së Jugut dhe mikpritësve të Koresë së Veriut, në Penian.

Vetë lideri koreano-verior, Kim Jong Un ishte i pranishëm në bisedimet me zyrtarët e lartë të sigurisë kombëtare të Koresë së Jugut.

Rezultat tjetër i këtyre bisedimeve është takimi që pritet të ndodhë në prill mes Kim Jong Un dhe presidentit të Koresë së Jugut, Moon Jae In.

New York Times raporton se vendi komunist ka shprehur gatishmëri për të zhvilluar bisedime edhe me Shtetet e Bashkuara të Amerikës, të cilat vetëm dy muaj më parë i kërcënonte se do t’i zhdukte nga faqja e dheut.

Lajmi është komentuar pozitivisht edhe nga Presidenti amerikan, Donald Trump, në Twitter.

Katalizator i përmirësimit të marrëdhënieve mes dy Koreve ishin Lojërat Olimpike Dimërore. Shenja e parë se situata do të ç’tensionohej mes dy vendeve ishte marrëveshja që atletët të paraqiteshin në Lojërat Olimpike nën një flamur, siluetën blu të dy Koreve.

©LAPSI.AL 



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *