Një 35-vjeçar shqiptar u arrestua në Selanik pasi u kap me kokainë dhe marijuanë.
Policia greke ndaloi shqiptarin teksa ecte me makinë dhe më pas vijoi kontrollin edhe në banesën e tij. Kontrolli në banesë erdhi pasi në makinën e 35-vjeçarit, gjatë një kontrolli rutinë, shqiptarit iu gjet kanabis dhe një telefon, që e përdorte për aktivitetin e jashtëligjshëm.
Autoritetet fqinje gjetën dhe sekuestruan 19 gram kokainë, 14 kilogramë marijuanë, 2 peshore dhe 980 euro para cash në banesën e tij në qendrën e qytetit, në zonën e njohur si Sykeon.
Policia po punon për të zbuluar persona të tjerë që kanë lidhje me 35-vjeçarin, identiteti i të cilit nuk bëhet i ditur.