• |
ide | kryesore

I burgosuri për prostitucion në Shkodër apel Ramës dhe Metës: Jam i pafajshëm, më ndihmoni

Të fundit



Prej katër muajsh Kastriot Musa qëndron në burgun e Shën Kollit në pritje të një vendimi për të.  Ai u arrestua në operacionin “Balerina” në kuadër të “Forca e Ligjit” duke u akuzuar për shfrytëzim prostitucioni dhe si një grup i strukturuar kriminal. Kastriot Musa u arrestua bashkë me kushëririn e tij Frederik Tota dhe pesë vajza të tjera, të gjithë të akuzuar si pjesë e një rrjeti prostitucioni.

Pas katër muajsh nga burg  i Shën Kollit Kastriot Musa deklaron se prokuroria nuk ka asnjë provë për të dhe kushëririn e tij Frederik Tota. Shkodrani i akuzuar thotë se është i pafajshëm ndërsa ndaj tij po zhvillohet një proces gjyqësor i paragjykuar. Musa shprehet në një bisedë telefonike për “Panorama” se nuk është marrë kurrë me prostitucion dhe se nuk ka asnjë lidhje për çfarë akuzohet as ai dhe as kushëriri i tij.

Kastriot Musa kërkon nga drejtësia që të lihen familjarët e tij të marrin pjesë në gjyqe dhe po ashtu të lejohen edhe mediat, pra të bëhet një gjyq publik për të mësuar të vërtetën që pretendon i akuzuari. Kastriot Musa ka një thirrje për Presidentin Meta, kryeministrin Rama, ministrin e Drejtësisë, avokatin e popullit, Komitetin Shqiptar të Helsinkit, mediat dhe këdo tjetër që ta shohin këtë çështje dhe ndaj tij të ketë vetëm drejtësi dhe asgjë më shumë.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *