• |
ide | kryesore

Rama mundohet të justifikojë emigrimin: Fenomen i mirë, shqiptarët ikin për të njëjtat arsye si kroatët e polakët

Lajme, Të fundit



Kryeministri Edi Rama, i pranishëm në konferencën “Sfida e migracionit”, deklaroi se “nuk largohen vetëm shqiptarët drejt vendeve më të pasura”, duke shtuar se njerëzit ikin edhe nga vendet që janë anëtare të Bashkimit Europian.

“Në të gjitha vendet e reja të BE-së, Poloni dhe Kroaci për shembull, shohim se njerëzit largohen për të njëjtat arsye. Vetëm vitin e kaluar, nga Kroacia janë larguar plot 50 mijë njerëz, 90% e të cilëve të rinj. Por, ndryshe nga ne, ata nuk shënohen si azilkërkues sepse janë forca të lira pune që lëvizin për mundësi më të mirë punësimi dhe për integrim shoqëror në një vend më të zhvilluar të BE-së”, u shpreh Rama.

“Emigrimi jashtë vendit sot lidhet me mundësitë për punësimin, ndryshe nga vitet ‘90”, shtoi kreu i qeverisë.

Rama theksoi se emigracioni nuk është fenomen i keq, përkundrazi: “Secili ka të drejtën që të shkojë e të jetojë ku të dojë. Kush e vajton emigracionin si e keqe që ka mbërthyer Shqipërinë, e ka gabim. Kemi arritur shumë falë emigracionit, në dije, eksperiencë dhe kulturë. Fatkeqësia jonë është që e kalojmë këtë proces në një kohë ku gjithçka është “online”, ku dhe një grabitje në një fshat të Europës bën lajm. Të tjerët e kanë kaluar në kohëra të tjera. Nuk ka asnjë vend të zhvilluar sot që nuk e ka kaluar periudhën e emigracionit”.



2 Comments

  1. ky pasi ha mengjes me fruta kolumbiane i fut edhe nje kafe kolumbiane me sheqer te bardhe po kolumbian dhe frymezohet fuqishem me ide te shkelqyera te shprehura ne ndonje foltore apo facebook. Ne realitet: -ASGJE! Ose me sakte, projekte, plane, lek, nderrim plani dhe stafi, prap leke, rezultati: ASGJE! Ri-planifikim, nderrim stafi, fonde, fonde, fonde….marrje borxhi nga BB dhe FMN, Lum lekesh, projekte, plane , prap nderrim stafi…rezultati: ASGJE! Zgjedhje te reja, menje e re! ZOTI NA RUAJT Mendejen dhe atdheun!

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *