Ato janë këngëtaret më të dashura shqiptare! Të gjithë jemi rritur me hitet e tyre ndër vite, sepse ato nuk janë vetëm artistet e vërteta të skenave tona, por edhe figura të plotësuara publike me mjaft kredibilitet në media e shoqëri.
Sot, ka ardhur koha që t’i shohim së bashku në një koncert recital të jashtëzakonshëm ku secila syresh prej tyre do të interpretojë këngët më të mira të repertorit personal. Po flasim për Rovena Dilon, Irma Libohovën, Eneda Tarifën dhe Besa Kokodhimën. A nuk janë diva të vërteta të muzikës shqiptare? Nuk kemi pikë dyshimi që po, ndaj ato kanë zgjedhur që si një “dhuratë” të veçantë për të gjithë fansat e tyre të vijnë në një koncert recital.
Këtë gjë e bëri me dije fillimisht Rovena Dilo, e cila gjatë një interviste në “Vizion Plus” u shpreh se do të realizonte një koncert muzikor së bashku me disa kolege të tjera. Një katërshe fantastike artistesh që do të jenë protagonistet e recitalit që kanë vendosur ta quajnë “Divat”, ku do të interpretojnë hitet e tyre më të suksesshme.