Met Kanani, i njohur ndryshe si “Met shqiptari”, është baroni i drogës i cili u arrestua ditën e sotme së bashkë me 10 bashkpunëtorë të tij në një operacion të madh anti-droge të zhvilluar në Turqi.
Met Kanani u kap teksa po mbikqyrte ardhjen e 1.1 ton kanabisi me vlerë 5.2 milion euro, e cila u sekustrua në Bodrum të Turqisë.
Por si u arrit të kapej ky grup trafiku droge?
Sipas një lajmi të gazetarit Cetin Aydin në të përditshmen “Hurriyet”, ekipet e Drejtorisë së Anti-trafikut në Stamboll kishin pikasur disa njerëz të Met Kananit në Turqi dhe kishin nisur ndjekjen e tyre.
Si pasojë e një hetimi të shtrirë në 6 muaj u pa se grupi përdorte brigjet e Bodrumit për trafikimin e drogës. Gjatë hetimit u zbulua se në Turqi do të mbërrinte edhe vetë ‘baroni’ shqiptar i drogës, Met Kanani. Policia e Stambollit kërkoi menjëherë mbështetje edhe nga Policia e Provincës së Mulas, ndërsa u njoftua edhe Policia Shqiptare.
Si nisi operacioni
Me mbërritjen e Met Kananit në Bodrum, policia nisi ndjekjen e tij nga afër. Gjatë hetimeve u pa se Met Kanani po shikonte mbërritjen e drogës me një jaht në brigjet e Mulas, nga maja e një kodre. Por ‘baroni’ shqiptar nuk e dinte se po ndiqej nga policia, e cila edhe e kishte fotografuar.
Banda e tij përdorte si depo një adresë në Milas të Mulas, e cila përdorej edhe për magazinimin e ujit. Më të provuar vend-magazinimin e drogës, policia vendosi të niste operacionin për arrestimin e trafikantëve.
Sipas “Hurriyet”, policia e bastisi depon në orën 02:30 të mëngjesit të së martës. Në depo u arrestua “Met shqiptari” dhe 6 njerëz të tij, si dhe u sekuestruan 1.1 ton kanabis me vlerë mbi 5 milionë euro. Ndërsa në valën e dytë të operacionit të zhvilluar të enjten me pjesëmarrjen e 250 policëve u arrestuan edhe 4 të tjerë.
“Hurriyet” dhe “Yeni Safak” raportojnë se 4 prej të arrestuarve ishin shqiptarë, ndërsa kombësia e 7 trafikantëve të tjerë nuk bëhet e ditur. Sipas informacioneve të policisë turke, kanabisi do të bëhej gati për treg dhe do të transportohej drejt Stambollit për shitje.
Megjithatë kjo nuk është hera e parë që Met Kanani vihet në shënjestrën e autoriteteve të huaja. Mësohet se “Escobarit shqiptar” i është vënë nga pas më 29 nëntor të vitit të kaluar policia greke, por pa mundur ta kapë.
Operacioni në Greqi dhe lufta me Policinë
“Hurriyet” raporton se ndaj Met Kananit, më 29 Nëntor të vitit të shkuar kishte kryer një operacion edhe policia greke.
Në operacionin gjatë të cilit u përdorën edhe helikopterët, për ndjekjen e gomones me kanabis nga ajri, pati shkëmbim zjarri mes trafikantëve dhe policisë. Pasi u mbaroi benzina, trafikantët u dorëzuan dhe policia greke sekuestroi 1.3 tonë kanabis, megjithatë grekët nuk arritën të kapin ‘kokën’ e grupit, Met Kananin.
Kanani raportohet se kishte në duart e tij një pjesë të rëndësishme të rrugës ballkanike të trafikimit të drogës. Sipas ekspertëve, nëpërmjet kësaj rruge, banda e tij dërgonte në Europë heroinën që vjen nga Afganistani, Irani dhe Turqia, teksa nga Europa merrte kanabis dhe pilula droge, të cilat i trafikonte kryesisht për në vendet arabe.
Sipas informacioneve të policisë turke, kjo sasi e madhe droge do të transportohej në kryeqytet Stamboll, e nga ku më pas do të shitej.
Media turke “Haberturk” e ka cilësuar Met Kananin “Escobar-i shqiptar” për sasitë e mëdha të drogës të lëvizura si dhe për për lidhjet e tij me politikanë shqiptarë.
Raportohet se operacioni u krye në bazë të informacioneve të ardhura nga pala shqiptare. Grupi shqiptar kishte një rol kyç të trafikimit të drogave të llojeve të ndryshme nga vendet e Lindjes së Mesme drejt Europës përmes Turqisë dhe Shqipërisë.
©LAPSI.AL
I japim vehtes tituj bombastik so..eskobar,Baron,Lord etj dokrra morracakesh.Nuk lame Hale te botes Duke I treguar origjinen e shqiponjes see ndryshkur.Hajdute dhe kriminele na njeh bota,prandaj nuk can bythen njeri per ne.
Në raste të tilla përmendet gjithmonë se kësisoj kapomafiash të drogës, kanë lidhje edhe me “politikën”, por si ka mundësi që nuk përmendet asnjëherë me emër ndonjë politikan ?
Në historinë 27 vjeçare të post diktaturës, i vetmi “politikan” i akuzuar si bashkëpuntor me mafien e drogës, është ministri “më i suksesshëm” i qeverisë Rama, Saimir Tahiri.
Keto raportokan se operacioni i kapjes se Met droges,qenka bere ne baze te informacioneve qe paten nga pala shqiptare.Nje pyetje kisha:Kur pala shqiptare paska patur informacione,pse nuk e ka kapur me gjithe kete sasi droge,ne teritorin shqiptar?Po DEA,qe pershendet ministrin Xhafa,ne Amerike,nuk paska patur asnje inforrmacion per kete aksion?Po Xhafa,te pakten ne takimin me DEA-n,nuk i paska njoftuar fare amerikanet per kete aksion,apo e kane mbajtur sekret vetem me turqit.?Shikoni edhe komentuesit,stambolli paska me shume informacion dhe qenka me teper me kembe ne toke,se sa tirona,qe na pritka qe bota te caka bythen per ne.Ne jo vetem trafikojme drogera,jo vetem i vjedhim,por edhe i mashtrojme te huajt,duke filluar qe nga kryeministri,mistri brendshem e te gjithe me rralle.