Sot, kreu i PD, Lulzim Basha pritet të inspektojë zonat e përmbytura në Shkodër. Basha ka mbërritur në Shkodër rreth orës 11:15 të ditës së sotme për të ndjekur nga afër situatën e përmbytjeve, ndërsa do shoqërohet nga drejtuesit lokalë.
Ndalesa e parë e kryedemokratit do jetë në Dajçi, ku pritet të ketë edhe një prononcim për mediat. Kujtojmë se kryetarja e bashkisë së Shkodrës dhe opozita kërkojnë shpalljen e emergjencës në Shkodër, por qeveria e ka refuzuar.
Nga ana tjetër, situata në Shkodër paraqitet mjaft alarmante pasi sipërfaqja totale e përfshirë nga uji ka arritur mbi 5000 ha.