• |
ide | kryesore

ZYRTARE/ Dosja e ish-kryebashkiakut të Kavajës, Elvis Roshi shkon në gjykatë

Lajme, Të fundit

Ish-kryetari i Bashkisë së Kavajës, Elvis Roshi do të përballet në gjykatë. Prokurori i Prokurorisë së Rrethit Gjyqësor Tiranë, Enklid Gjini mbylli hetimet dhe dërgoi në gjyq dosjen në ngarkim të tij. Ai akuzohet për kryerjen e veprës penale “Falsifikimi i vulave, stampave apo formularëve” parashikuar nga neni 190/1 i Kodit Penal.

Sipas njoftimit të prokurorisë “në datë 09 shtator 2016 mbi bazën e dokumentave të dorëzuara nga Drejtoria e Marrëdhënieve Juridiksionale me Jashtë, Sektori i Dekriminalizimit në Prokurorinë e Përgjithshme, në Prokurorinë e Rrethit Gjyqësor Tiranë është regjistruar Procedimi Penal nr.4810 nr.4810, për veprën e mësipërme penale”.

Rroshi ishte një nga zgjedhurit e parë që u “kap” nga ligji për dekriminalizimin. Atij iu hoq mandati nga KQZ-ja me kërkesë të Prokurorisë. Akuza thoshte se Roshi kishte fshehur një dënim për përdhunim në Itali në fillim të viteve ’90.

Komisioni Qendror i Zgjedhjeve në 29 dhjetor 2016 vendosi heqjen e mandatit për dy deputetet Shkëlqim Selami dhe Dashamir Tahiri, si dhe kryebashkiakun Elvis Rroshi, pasi edhe ata kishin fshehur të dhënat në formularin e dekriminalizimit.

Në formularin e dekriminalizimit që Roshi ka plotësuar, thotë se ka qenë arrestuar dhe proceduar edhe në Gjermani para vitit 2002. Ai shënon se e ka proceduar gjykata e Mynihut, por shkruan se arsyet nuk i kujtohen. Po ashtu, ai thotë se nuk i kujtohet as rezultati i këtij procedimi, nëse është dënuar apo jo.

Kjo periudhë përkon me atë që Elvis Roshi ka ndryshuar emrin. Babai i tij tha në një intervistë televizive se ai quhej Ervin.

Në vitin 2000 me emrin Ervin Roshi ai figuron i proceduar edhe në Kavajë për dy vepra penale. Në atë kohë prokuroria ka kërkuar dënimin me 2 muaj burg për plagosje dhe armëmbajtje pa leje.

1 Comment

  1. VONON, POR NUK HARRON,, ishalla ka drejtesi qe zbatohet me drejtesi, jo me drejtim politik nga RAMA, se ndryshe quhen lodra, e mashtrime. Per ato qe ka bere ky bashkiak meritogjyqin e drejtesine per bemat e tij. ISHALLA KA VEPRIM, E DREJTESI.

Lini një Përgjigje

Adresa juaj email s’do të bëhet publike.

Kthehu