• |
ide | kryesore

Protesta, Nishani: Simbolikë e fortë e revoltës popullore, pse ishte reagimi politik

Lajme, Të fundit



Ish-presidenti Bujar Nishani ka reaguar lidhur me protestën në Rrugën e Kombit, ndërsa e cilësoi atë revoltë popullore.

Përmes një statusi në faqen e tij të ‘Facebook’ Nishani u doli në mbrojtjeje banorëve të Kukësit, duke shtuar se qytetarët e burgosur dhe familjet e tyre janë vënë nën kërcënimin dhe shantazhin ekonomik.

REAGIMI I NISHANIT
Protesta e banorëve të Kukësit ka hyrë tashmë në simbolikën e fortë të revoltës popullore. Revoltë si reagim për padrejtësinë ndaj të drejtave të qytetarëve.
Si reagim ndaj korrupsionit që po varfëron çdo ditë e më shumë familjet shqiptare.
Si reagim ndaj fyerjes perverse që megallomania e madhështisë virtuale ju adreson dinjitetit të qytetarëve.
Si reagim ndaj prespektivës kërcënuese të jetës së fëmijëve të shqiptarëve.
Reagim ndaj disproporcionalitetit taksa-të ardhura, detyrime-shërbime, resurse-administrim, përgjegjësi-të drejta.
Reagim ndaj diskriminimit !
Protesta e zjarrtë e banorëve të Kukësit është indikatori më i saktë se çfarë mendojnë sot qytetarët shqiptarë, duke ju treguar metodologjinë e saktësisë sondazhistëve të milionave korruptive.
Qytetarët e kryen një pjesë të punës së tyre.
Ajo nuk ishte aspak një lëvizje lokale, nuk ishte një duf anti-bisnes, nuk ishte thjesht një përleshje antisistem, siç duan ta kufizojnë, kanalizuesit e oborrit.
Reagimi i tyre padyshim ishte politik !
Politika nuk është vetëm një konotacion partiak.
Politikë është çdo dimension i jetës sonë.
Sjelljet brutale ndaj qytetarëve dhe dimensionit shoqëror janë mirëfilli politike. Ndaj dhe reagimi, logjikisht që është politik.
Opozita e ka për detyrë dhe mision që ta mbështesë këtë reagim dhe protestë qytetare dhe të vihet në krye të saj.

Opozita kurrësesi nuk duhet të kompleksohet nga zërat e sponsorizuar se “protesta është qytetare dhe partitë politike të qëndrojnë larg”. !!!
Ky është një diversion i ulët, i sponsorizuar nga pushteti me qëllimin që protestën e qytetarëve ta izolojë dhe ta lërë pa infrastrukturën e nevojshme.
Infrastrukturën për një reagim të suksesëshëm publik e kanë vetëm entet organizative që në rastin konkret janë veç partitë politike të mëdha.
E ashtuquajtura “shoqëri civile” në Shqipëri është deformuar dhe ndrydhur me platforma korruptive prej dekadash në këtë vend.
Zërat antikonformist janë margjinalizuar dhe margjinalizohen çdo ditë. Nuk kanë kurrë mbështetje financiare, hapsira komunikimi, akses trajnimi apo ndër-koordinim.
Ndaj opozita e ka dyfish më të madhe sot përgjegjësinë për ta koordinuar dhe prirë revoltën qytetare.
Opozita duhet të deklarojë publikisht, institucionalisht dhe seriozisht se të burgosurit e protestës së “Rrugës së Kombit” dhe çdo të përndjekur tjetër për shkak të protestuarit, ajo sapo të vij në pushtet, do ti konsideroj dhe trajtoj si të përndjekur politik.
Opozita duhet të deklarojë publikisht, institucionalisht dhe seriozisht se sapo të jetë maxhorancë në Parlament, ajo do të miratoj legjislacion hetimor për të gjithë ata prokuror dhe gjyqtarë që kanë marrë vendime politike kundër qytetarëve.
Qytetarët e burgosur të Kukësit dhe familjet e tyre janë vënë nën kërcënimin dhe shantazhin ekonomik.
Burgosja e tyre ka qëllim lënien pa bukë të fëmijëve të tyre. Vetëm ashtu nënshtrohet një nënë dhe një baba.
Opozita duhet të shpalosë një aksion solidariteti social duke ndihmuar financiarisht familjet e të gjithë të burgosurve politik dhe atyre që mund të përndiqen për shkak të protestës me ndërgjegje të tyre.
Askush sot nuk mund të fshehë apo injorojë dot, as realitetin dhe as përgjegjësinë e vet.
As individi dhe as grupimi !



2 Comments

  1. Shikoni cfar niveli kane politikanet shqiptate! Nuk denojne shkaterrimin dhe mos rrespektimin e demokracise por bejne te kunderten ndihmokne e flasin mire per demtuesit dhe shkaterruesit e prones se perbashket!!
    Dhe gomari e kupton qe jeni hajdute she shkaterrues te shtetit, nuk u vjen mire kur nuk fitoni shume, doni te pasuroheni per nje dite ju, si politikane po ashtu dhe ju qe merreni me biznes.

    Mendoni nje here per pasardhesit e juaj si popull/komb, po nuk u be shtet gjithmone rrugeve ne azil do ta lini popullin.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *