Grabitja e një banke të nivelit të dytë në qytetin e Durrësit ka mbetur në tentativë pasi policia arrestoi autorin.
Ngjarja u shënua rreth orës 11:00 në afërsi të stacionit të trenit në qytetin e Durrësit.
“I riu i identifikuar si Kreshnik Margjoni 24 vjeç nga Rresheni banues në Kënetë është futur në ambientet e bankës i armatosur me thikë dhe ka kërcënuar punonjësit e arkës duke i kërkuar t’i japin shumën e parave” informon policia.
Menjëherë punonjësit e bankës kanë arritur të njoftojnë policinë, e cila ka mbërritur në kohë në vendngjarje duke arrestuar autorin
Policia ka rrethuar të gjithë perimetrin e bankës për shkak të sigurisë, deri në zbardhjen e rrethanave