• |
ide | kryesore

Analiza e Lubonjës/ Shkaqet e krizës brenda PD pas ikjes së Berishës

Lajme, Të fundit



Analisti Fatos Lubonja bën një panoramë të asaj që po ndodh në Partinë Demokratike pas debateve të fundit dhe përplasjeve mes kritikëve dhe kryetarit Lulzim Basha. Në emisionin “Studio e hapur” në News 24, Lubonja tha se për një kohë të gjatë kjo forcë ka qëndruar nën autoritarizmin e Berishës.

“Duam apo nuk duam na shkon gjuha te Sali Berisha. Unë kam një tjetër mendim për autoritarizmin e Berishës. Kjo ndahet në të paktën 3 faza.

Faza e parë ishte ajo ‘91 – ’97, faza e dytë ajo e opozitës dhe e treta ajo e rikthimit në pushtet. Faza e parë ka qenë një lloj inercie e enverizmit. Sali Berisha e paraqiti veten si një njeri që duhet të kishte një lloj pushteti absolut. Në parti ai duhet të ishte figurë absolute. Ata që dolën kundër i përjashtoi.

I përjashtoi me debat brenda partisë? Debati nuk ishte me argumentet. Ishte te pafuqia e atyre që bërtisnin për argumentet, por që nuk kishin mundësi. Gramoz Pashkon e nxorën nga salla me ulërima dhe nga më banalet.

Në opozitë pati një rikthim dhe i riktheu disa nga këto figura edhe për nevojë se ai kishte ndryshuar. Demokracia e brendshme e PD-së ishte pasqyrë e demokracisë në Shqipëri. Në sheshin Skënderbej para 97-ës, PD nuk lejonte asnjë protestë” – thotë Lubonja.

Ai shton se largimi i Berishës ka lënë PD-në pa një model dhe se kryetari Basha po ecën sipas mënyrës që drejtonte Berisha.

“Unë mendoj që kriza e PD vjen nga largimi i një lideri autoritar i cili ka marrë edhe të gjitha përgjegjësitë e tij dhe që ka ditur të imponohej. Autoritarizmi i Berishës ka qenë imponues. Ishte një autoritet i padiskutuar në parti. E dyta, edhe për shkak se ne kemi një strukturë mendore që ne duhet të rrimë poshtë tij, por kjo është një temë më e gjerë. Të tillë jemi edhe brenda familjes.

Tani që ka ikur ky “babai i fuqishëm” nga partia ka lënë një boshllëk, por edhe për arsye të tjera. Këta që janë, nuk arrijnë dot as demokracinë. Kjo do të thotë që të të vendosin një rregull duke votuar. Votat ata që kanë mendim ndryshe rrinë aty ku janë dhe kritikojnë. Basha nuk e ka krijuar këtë.

Më shumë ai do që të imitojë Berishën. Ka edhe Berishën prapa që nuk e dimë sa rol ka. Berisha duhet të ikte. Ka një pjesë që thotë të kthehet Sali Berisha. Po ja supozojmë që u kthye Saliu, apo e morri Imami apo e Astriti dhe Jozefina. A do kishte ndryshim PD-ja?” – thotë Lubonja në analizën e tij. ©LAPSI.al



4 Comments

  1. Analizat e pafundme per PD ne thelb tregojne se PD e ka mbaruar me kohe rolin e saj ne zhvillimet shoqerore shqiptare.

  2. Perfundimisht nuk behemi. Si pd si ps e gjithfar partish nuk bejne dot gje se ne jemi fare e prishur dhe ato jane prodhimi yne. Pra jemi lloj ne degjenerim.

  3. PD-ja e paska përfunduar me kohë misionin e saj demokratik të sistemit pluralist. Tani shqiptarët duhet ti rikthehen soc-komunistëve kapitalistë soroistë kanabistë si e vetmja alternativë politike.
    Një lider politik mund të jetë “autoritar” me energjitë e tij pozitive, por mund të jetë edhe diktator me energji negative.
    Nuk ësht aspak ashtu siç e paragjykon Berishën Lubonja, se ai paskej përsëritur mënyren enveriste të qeverisjes.
    Lubonja e ka shembullin në historinë e tij vetjake, se çfarë pësoi nga regjimi kriminal i Enver Hoxhes.
    Ndonëse ai ka qene e mbetet një kundërshtar i hapur e shumë i zellshëm ndaj Berishës, ky nuk i ka prekur asnjë qime floku Lubonjës e as Gramoz Pashkos. Gramozi , biri i një ish prokurori të kohës së diktaturës, ju bashkua lëvizjes demokratike, më shumë se sa një politikan, si një ekonomist realist që e kishte kuptuar se ekonomia socialiste e kishte çuar Shqipërinë në katastrofë. Berisha e ka vlerësuar Pashkon gjithmonë si një ekonomist me formim perëndimor e nuk është aspak e vertetë se e ka luftuar ate.
    Pashko , ashtu si Lubonja, duket se u tërhoq nga krraba e lidhjeve të vjetra familjare e miqësore të majta, që pranoi të bashkëqeveriste me Fatos Nanon.
    Ishte kjo arsyeja që një pjesë e madhe e antarësise së PD, e cilësoi Pashkon si një politikan që nuk i kishte prerë mardhëniet me ish Partinë e Punës, e jo Berisha siç thotë Lubonja.
    Për të qenë realist Lubonja, duhet ta pranojë se po të kishte qenë Pashko lider i partisë së parë demokratike opozitare me PP, e jo Berisha, vështirë që PD të kishte marë pushtetin.
    Pashko, nëse meret ashtu siç është, ishte një kundërshtar i rreptë i ekonomisë socialiste alla enveriste, por si formim politik ishte i dyzuar për një bashkëpunim me “të majtën” alla shqiptare.
    Pra pak a shumë ishte një produkt i strategjisë së Katovicës për një “shoqeri të hapur” majtiste me një rishikim të plotë të programeve ekonomike e jo politike.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *