Zjarrëfikësit janë gjendur përballë flakëve dhe një re tymi gjigande kur kan mbërritur në fabrikën e riciklimit në Mëzes këtë paradite. Nga një video që publikon Lapsi.al shihen zjarrëfikësit duke u përpjekur të shuajnë flakët brenda në ambjentet e shkrumbuara të fabrikës.
Drejtori i shërbimit të Zjarrfikësve ka reaguar lidhur me zjarrin. Në një prononcim për mediat nga vendi i ngjarjes, ai tha se po punohet që flakët të mos përhapen në bizneset e tjera, që kanë një vlerë të konsiderueshme.
“Zjarri ka rënë në një fabrikë, e cila vitin e kaluar është gjobitur për shkak të mosmarrjes së masave kundër zjarrit. Tani për tani prioriteti i punës sonë është që të vemë nën kontroll flakët dhe të mos lejojmë përhapjen e zjarrit në bizneset pranë. Më pas do të analizojmë gjithçka, që nga momenti i ndërhyrjes sonë deri në marrjen e masave nga kompania për të shuar zjarret”, u shpreh kreu i zjarrfikësve.
Mësohet se kjo fabrikë është djegur edhe dy herë të tjera dhe zjarrfikëset i kanë vënë gjobë për shkak të mos marrjes së masave për parandalimin e zjarrit.
I shkreti djale nje maske per ne goje nuk i kane dhene dhe niset te fiki zjarrin