Protestuesit brohorisnin kundër Presidentit rus, Vladimir Putin, teksa hidhnin avionët. Protestuesit zgjodhën të hidhnin avionë duke iu referuar logos së aplikacionit Telegram, që është pikërisht avioni.
“Regjimi i Putinit i ka shpallur luftë internetit. Ky regjim i ka shpallur luftë shoqërisë, kështu që ne duhet të jemi në mbështetje të Telegramit” – tha një protestues për Reuters.
Rusia filloi të bllokonte Telegramin më 16 prill pasi aplikacioni refuzoi të veprojë në përputhje me një urdhër të gjykatës për t’i dhënë shërbimeve të sigurimit shtetëror qasje në mesazhet e koduara të përdoruesve të tij.
Shërbimi Sekret rus, FSB deklaroi se ka ka nevojë të ketë akses në disa mesazhe për punën e saj, që përfshin parandalimin e sulmeve militante.
Bashkë me Telegramin, autoritetet bllokuan edhe disa faqe interneti të tjera.
Themeluesi i Telegramit, sipërmarrësi rus, Pavel Durov, bëri thirrje për ‘rezistencë dixhitale’ në përgjigje të vendimit dhe premtoi të financojë cilindo që krijon mundësi që rusët të përdorin programin pa u diktuar nga autoritetet.
Më shumë se 12 mijë njerëz dolën në protestë ditën e sotme.
“Mijëra të rinj aktualisht po protestojnë në Moskë në mbrojtje të lirisë së internetit” – shkroi Pavel Duvrov i Telegram në mediat sociale. (përktheu lapsi.al)
“Kjo është e paprecedent. Jam krenar që kam lindur në të njëjtin vend si ju. Energjia juaj ndryshon botën.” – shkroi Duvrov.
Telegrami ka më shumë se 200 milionë përdorues globalë dhe renditet si shërbimi i nëntë më popullor i mesazheve celulare në botë.
(Logo e aplikacionit ‘Telegram’)
Edhe në Iran u ndalua ky aplikacion me argumentin për të mbrojtur sigurinë kombëtare. Lajmi u bë i ditur sot nga televizioni shtetëror iranian.
Huffington Post, përshtati në shqip ©LAPSI.AL
Është komplet farse, Telegram është i ndërtuar nga shërbimet Ruse, dhe kjo është nje tentative per ti hedhur hi syve miletit. Putin, bire k…e!!