Tronditet Vlora ne orët e para te mëngjesit. Dy shpërthime te forta me tritol kane alarmuar familjaret dhe banoret e zonës përreth. Shpërthimet kane ndodhur ne distance nga njeri-tjetri, vendosur ne dy dyer banesash. Për fat nuk raportohet për te lënduar.
Shpërthimi i pare ka ndodhur ne katin e peste te një pallati qe ndodhet pranë policisë rreth orës 02.00. Ndërkohë shpërthimi dytë ndodhur rreth orës 03:30, në lagjen “15 Tetori”, pranë portës së banesës së G.Ç., 69 vjeç. Në të dy shpërthimet nuk ka pasur persona të lënduar, po vetëm dëme materiale, ndërsa janë dëmtuar disa banesa të pallatit.
Një nga fqinjët rrëfen se shpërthimi ishte i fortë dhe janë zgjuar të traumatizuar nga gjumi. Ai thotë se nëna e 30-vjeçarit që iu vendos tritoli është dërguar në spital nga trauma.
“U ngritëm se dëgjuam një zhurmë të madhe. Kur u ngritëm pamë derën në tokë. Dera dhe xhami i banjës ishin thyer. Asaj plakës në katin e gjashtë nga trauma që pësoi morën ambulancën dhe e dërguan në spital. 30 vite kemi këtu që jetojmë. Fqinjët nja 1 vit kanë që jetojnë këtu. Është e tmerrshme. Kjo dera këtu kishte xham dhe është thyer xhami”- thotë një nga banorët e pallatit ku ndodhi shpërthimi.