Faqja e internetit e UEFA-s ka bërë një gabim të rëndë që me siguri ka lënë shije të hidhur në Madrid. Në faqen zyrtare të qeverisë europiane të futbollit është shpallur Liverpool si fituesi i Champions League edhe pse mbeten ende 22 ditë deri në finalen e madhe të Kievit ku “The Reds” do të përballen me Real Madrid.
Një gabim i tillë është dhënë në të dyja versionet: anglisht dhe kastilianisht. Në foto janë portretet e disa lojtarëve, nga të dyja ekipet finaliste si dhe teksti “Season 2017-2018, Winner Liverpool”. Kjo foto ka qëndruar vetëm pak çaste online, por kaq ka mjaftuar që ajo të bëjë xhiron e botës. ©LAPSI.al