• |
ide | kryesore

VIDEO/ Disfatë e Inter përballë Sassuolo, zhgënjen 70 mijë tifozë (shikoni golat)

Sport



Mbi 70 mijë tifozë u larguan jashtëzakonisht të zhgënjyer nga ‘San Siro’, me Interin e Spallettit që hodhi poshtë në mënyrë të pabesueshme një mundësi të artë për të synuar kualifikimin në zonën “Champions”.

Zikaltrit u mposhtën me rezultatin 1-2 nga Sassuolo. Sfida nisi me Interin më kërkues, por Sassuolo shfrytëzoi një goditje dënimi për të kaluar në avantazh me anë të Politanos (‘25).

Edhe pjesa e dytë nis me Interin në kërkim të golit të barazimit, por është sërish Sassuolo, që pas një kundërsulmi dyfishon avantazhin me një supergol të Berardit (’72).

Spalletti provon gjithçka për të ndryshuar shifrat, ndërsa ndeshja rihapet me golin e Rafinha (’80), por ndonëse ka edhe shumë minuta lojë, topi nuk bindet të hyjë në portën e Sassuolos, që largohet me 3 pikë nga kjo transfertë.

Tashmë zikaltrit mbeten dy pikë pas Lazios, që luan nesër ndaj Crotones dhe në rast fitoreje siguron pjesëmarrjen në edicionin e ardhshëm të Champions League.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *