Në aeroportin ‘Ataturk’ të Stambollit, policia zbuloi dhe sekuestroi 9 kilogramë e 709 gramë kokainë dhe për këtë sasi droge arrestoi një shqiptar 48-vjeçar.
Ekipet për luftë kundër tregtisë së drogës, pjesë e policisë së Stambollit, kanë kontrolluar valixhen e personit me inicialet N. K., 48 vjeç, nga Shqipëria, i cili më 2 maj kishte mbërritur në Stamboll nga Sao Paulo i Brazilit.
Kokaina, e fshehur në pjesën e poshtme të valixhes është sekuestruar, ndërsa pronari i saj është arrestuar.