Pas ngjarjes së rëndë, vijojnë të mbeten të paqarta rrethanat në të cilat humbi jetën 27-vjeçari nga Korça, Enea Ftoj. Nën hetim janë vendosur dy punonjës policie të cilët akuzohen nga familjarët se kanë dhunuar babain e tre fëmijëve duke i shkaktuar vdekjen.
Dy ditët e ardhshme priten dhe konkluzionet e autopsisë mbi shkaqet që sollën ngjarjen e rëndë në qelitë e paraburgimit në Korçë. Ndërkohë sipas Policisë së Korçës bëhet me dije se 27-vjeçari, pasi është ndaluar nuk ka pranuar të marrë qetësues, për të cilat mjeku i kishte dhënë rekomandim.
Enea Ftoj është gjetur i pajetë rreth orës 7 të mëngjesit të së enjtes nga punonjës të komisariatit, ndërsa në orën 9 të po asaj dite ai do të dilte para trupit gjykues për tu njohur me masën e sigurisë. Grupi hetimor ka sekuestruar kamerat në brendësi të komisariatit, ndërsa policia hedh poshtë pretendimet se ndaj 27 vjeçarit është ushtruar dhunë.
Ja kane mare doren te gjithe tani.Kur genjen kryeministri dhe ministri i policeve pse te mos genjejne dhe policet .Turp i marrin jeten njeriut dhe mundohen tja hedhin me je genjeshter .Ngushullime familjes se te ndjerit
E tmerrshe kur e degjon dhe aq me keq kur degjon justifikimin e ketyre qe mbajne divize per te na mbrojtur . Perpara vukarait bejne cubin , ndersa perpara drogmeneve bejne korrierin dhe hamallin . Kjo eshte policia qe NUK DUAM . Nese nuk veprohet urgjentisht tek vetvetja mos ti kerkonim llogari grekeve per torturat ndaj Shqiptareve .