Policia e Durrësit njoftoi se ka identifikuar autorët e plagosjes së sotme të 20-vjeçarit Elvis Meta në qytetin bregdetar.
Bëhet fjalë për dy adoleshentë, 18 dhe 17 vjeç, dhe një 46-vjeçar, të cilët janë shpallur në kërkim pas plagosjes me thikë të 20-vjeçarit.
Ende nuk është zbuluar motivi i konfliktit mes të riut dhe autorëve. Policia njofton se po heton mbi ngjarjen, si dhe po punon për kapjen e autorëve të dyshuar.