• |
ide | kryesore

Protesta/ Fatmir Xhafaj i kompleksuar: Puna e policisë do monitorohet nga të huajt

Lajme, Të fundit



Policia e shtetit njoftoi se ka marrë disa masa për protestën e të shtunës, si bllokimi i rrugëve apo përcaktimi i vendeve ku do të ndalojnë mjetet që sjellin protestues nga rrethet. Por në njoftim bie në sy fakti që policia është kujdesur të përmendë asistencën dhe monitorimin e ekspertëve të huaj për rolin e saj gjatë ditës së shtunë.

“Veprimtaria e Policisë së Shtetit, në ditën e tubimit, do të asistohet dhe monitorohet edhe nga ekspertë të huaj, të atashuar pranë Ministrisë së Brendshme” thuhet në njoftim.

Duke qenë direkt shënjestër e protestës, Fatmir Xhafaj ka preferuar t’ia kalojë një pjesë të përgjegjësisë ekspertëve ndërkombëtarë duke shmangur përballjen direkte dhe njëkohesisht duke mos marrë mbi vete të gjitha përgjegjësitë publike. Xhafaj është në qendër të akuzave të opozitës ditët e fundit, pas zbulimit se vëllai i tij i fshihej një dënimi për trafik droge në Itali dhe pas daljes së audiopërgjimit, ku Agron Xhafaj dyshohet se merr përsipër të kalojë përtej detit 100 kilogram kanabis.

Kjo nuk është hera e parë që Fatmir Xhafaj është në krye të Ministrisë së Brendshme dhe ka përgjegjësinë  të menaxhojë protestën e opozitën. Në 27 Janar, kur PD doli në protestën për skandalin e Saimir Tahirit, nga Ministria e Brendshme doli një deklaratë që i bënte thirrje protestuese të zbatonin ligjin, përndryshe policia thuhej se “do të vepronte sipas përcaktimeve ligjore ndaj kujtdo që cënon rendin dhe sigurinë dhe do t’i përballë ata me ndëshkimin e duhur ligjor”.

Kësaj radhe, këshillat për qytetarët janë më të zbutura, pasi është vetë ministri që i ka ngritur në këmbë.

Më poshtë njoftimi i plotë i policisë:

Policia e Shtetit për tubimin e subjektit politik Partia Demokratike, parashikuar të zhvillohet në datë 26 Maj 2018, ora 11:00 në Bulevardin “Dëshmorët e Kombit”, do të bllokojë qarkullimin e automjeteve në disa akse rrugore të brendshme të Tiranës.

Duke filluar nga ora 00:00 e datës 26 maj, deri në përfundimin e tubimit nuk do lejohet qarkullimi i mjeteve në rrugët:

– Bulevardi “Dëshmorët e Kombit”, nga kryqëzimi i rrugës “Bajram Curri” deri tek kryqezimi i rrugës “Abdyl Frashëri” dhe anasjelltas;

– Rruga “Ismail Qemali” nga degëzimi me rrugën “Papa Gjon Pali II” deri tek Bulevardi “Deshmorët e Kombit” do të jetë e bllokuar;

– Rruga “ Papa Gjon Pali II” nga degëzimi me Bulevardin “Bajram Curri”, deri tek degëzimi i rrugës “Themistokli Germenji” dhe anasjelltas, do të jetë e bllokuar dhe nuk do të lejohet parkimi i mjeteve në të dy anët e rrugës;

Duke filluar nga ora 07:00 e datës 26 maj deri në përfundim të tubimit, nuk do të lejohet qarkullimi i mjeteve të të gjitha kategorive nga Bulevardi “Dëshmorët e Kombit” në drejtim të rrugës “Abdi Toptani”.

Devijimet do të prekin edhe linjat e transportit publik, ku linja e “Tiranës së Re” do të kthehet tek sheshi “ëillson”, linja e Kamzës do të kthehet tek sheshi para ish-Kafe “Florës”, linja e Saukut do të kthehet tek rruga “28 Nëntori” pranë Sahatit.

Policia e Shtetit kërkon mirëkuptimin e operatorëve të transportit publik qytetas, që ditën e shtunë deri në përfundim të protestës, të mos përdoren mjetet e transportit artikular, për shkak të devijimeve dhe bllokimeve që do të bëhen për arsye sigurie.

Të shtunën, nga ora 07:00 deri në përfundim të protestës brenda Unazës së Madhe dhe rrugëve të tjera të brendshme, nuk do të lejohet qarkullimi i mjeteve të tonazhit të rëndë të të gjitha kategorive.

Mjetet e transportit të pasagjerëve që do të vijnë nga qytetet e tjera nuk do të lejohen në brendësi të Tiranës, përveç vendeve të miratuara nga Drejtoria Vendore e Policisë Tiranë, që janë:

– Pallati i sportit “Asllan Rusi”, në rrugën “Dritan Hoxha”;
– Pallati me shigjeta në rrugën “Konferenca e Pezës”;
– Rreth-rrotullimi i Fakultetit Ekonomik në rrugën e “Elbasanit”;
– Ura e Brrylit në “Bulevardin Zhan D’Ark”.

Mjetet e transportit që vijnë nga rrethet pasi të zbresin qytetarët në vendet e caktuara sipas Planit të Masave, do të kthehen dhe vendosen:

– Mjetet që vijnë nga rreth-rrotullimi i “Fakultetit Ekonomik” do të vendosen në rrugën “Shahin Toci” pranë Terminalit të Jug-Lindjes;
– Mjetet që vijnë nga sheshi “Shqiponja” do të vendosen në rrugën “Teodor Keko”;
– Mjetet që vijnë nga Pallati me shigjeta në rrugën “Teodor Keko”;
– Mjetet që vijnë nga pjesa lindore e qytetit, do të sistemohen përballë Maternitetit të Ri.

Policia e Shtetit kërkon mirëkuptimin për largimin e mjeteve të parkuara në rrugët e sipërpërmendura, në të kundërt do të spostohen me mjete ngritëse.

Gjithashtu luten qytetarët që të shmangin përdorimin e panevojshëm të automjeteve ditën e nesërme, sidomos në segmentet që lidhin qendrën e qytetit me Bulevardin “Dëshmoret e Kombit”, për shkak të devijimeve dhe kufizimeve, deri në përfundim të tubimit.

Plani i masave për sigurinë e tubimit u hartua me mbështetjen e misioneve ndërkombëtare, që asistojnë Policinë e Shtetit.

Gjithashtu, veprimtaria e Policisë së Shtetit, në ditën e tubimit, do të asistohet dhe monitorohet edhe nga ekspertë të huaj, të atashuar pranë Ministrisë së Brendshme.

Policia e Shtetit, njeh dhe respekton të drejtën e qytetarëve për të manifestuar dhe si gjithmonë mbetet e angazhuar në zbatimin me korrektësi të ligjit dhe u bën thirrje qytetarëve dhe përfaqësuesve të subjekteve politike, të ushtrojnë të drejtat e tyre në përputhje me Kushtetutën dhe legjislacionin në fuqi.

Policia e Shtetit ka të gjitha kapacitetet për të garantuar të drejtën e tubimit, sipas përcaktimeve ligjore. Në të njëjtën kohë, nuk do të tolerohen sjellje apo veprime që cënojnë rendin dhe sigurinë publike.



6 Comments

  1. Pse do monitorohet nga te huajt apo protestoje dhe Tom Doshi dhe nuk e menaxhoni dot?
    E hengre nje shkop gome bytheve ne 21 janar ti Fatmir Xhafaj se policet duruan guret pafund. Hapi letrat se aty i ke ne ministri.
    Leqe cfare letrash te hapesh ti o merhum

  2. Ike fshiu nga mali me gropa o ndyresire.Po edhe atje nukdo gjesh rehat se te dalin fantazmat e atyre njerzeve qe kini pushkatuar ne emer te popullit ne ate kohe kur ke qene hetues ne sigurimin e shtetit .

  3. hajde analiz hajde
    bushati te le pa fjale me keto analiza kaq te thella

    shyqyr zotit eshte vetem nje person se imagjinoni te kishim 10 bushata
    do trullosnin shqiperine me budallalliqe te tilla

    I KOMPLEKSUAR

    ??????

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *