Futbollisti me origjinë nga Istogu i Kosovës, Adnan Januzaj ka prezantuar fanellën e re të Manchester United bashkë me yjet e tjerë të këtij ekipi. Ky prezantim është bërë nëpërmjet një spoti, ku lojtarë dhe tifozë të Man United shkrihen mes tyre.
Talenti në ngjitje i Djajëve të Kuq, bëhet kështu pjesë e historisë së një prej klubeve më të famshëm të futbollit anglez. Pas mbetjes në hije gjatë botërorit të Brazilit, Januzaj e ka të paktën një mundësi për t'u shfaqur në publik nëpërmjet këtij spoti.