Një 38 vjeçare është rrahur barbarisht në mes të rrugës nga disa gra të tjera. Ngjarja ndodhi në qytetin Puyang në Kinë ndërsa asnjë nga kalimtarët nuk ka ndërhyrë pasi është konsideruar një shërr “për çështje nderi”. Lin Yao Li, 38 vjeç, u ndalua nga 4 gra teksa ajo po ecte drejt shtëpisë së saj. Sulmi nisi nga gruaja e burrit, me të cilin Lin akuzohej se kishte fjetur dhe u ndihmua nga tre shoqet e saj. Një burrë, i cili e ndihmoi gruan tha se “kjo gjë tashmë është bërë normale. Gra të inatosura dhe të dashurat e burrave që tradhtojnë, marrin hak duke sulmuar gratë e tjera”. Gruaja u dërgua më pas në spital, ku ajo është duke u trajtuar për plagë të rënda dhe shok, pasi luti një person që të thërriste ambulancën./lapsi.al/
