Kohë të vështira për Mesut Ozil, i mbetur jashtë fushe deri në fund të sezonit për shkak të një dëmtimi të rëndë, i vënë tashmë në qendër të një skandali seksual për të cilin po flet e gjithë Gjermania. Mesfushori i Arsenal është vënë në faqe të parë nga gazeta “Bild” i ndjekur nga akuza e shokut të tij tek kombëtarja e Gjermanisë U21 Christian Lell (në foton poshte), si shkaku i ndarjes së tij nga e dashura Melanie Rickinger.
Ai e ka cilësuar Ozil si “një gjarpër”. “Mesut shfrytëzoi famën e tij dhe hyri me prepotencë në jetën tonë dhe kjo nuk është një gjë e mirë – tha Lell për Bild. Dëshmia e ish-lojtarit të Bajern është plotësuar me disa mesazhe të shkëmbyera mes dy lojtarëve në ËhatsApp që ai i postoi në faqen e tij në Facebook dhe që më pas i hoqi për të mos u akuzuar për publikim të mesazheve private. Çështja është përgënjeshtruar menjëherë nga përafqësuesit e Ozil që e përshkruan Lell një “të çmendur”. Agjenti i tij tha se do ta padisë akuzuesin për këtë çështje. /lapsi.al/
