Që ato të dyja janë shoqe dhe duhen, këtë mund ta thuash jo vetëm nga koha që kalojnë bashkë, por edhe nga fotot që ndajnë me ndjekësit e tyre në rrjetet sociale. Po ashtu, që prezantuesja e Top Channel Albana Osmani është një malësore tropoje e dijnë të gjithë. Por që fuqia e saj, që ndoshta buron nga origjina, të ishte kaq e “mbinatyrshme”, pak kujt i shkonte në mend. Të gjendura në shesh-xhirimin e videos së fundvitit, vajzat e ekranit të Top Channel, kanë përfituar nga atmosfera dhe i kanë dhënë doza të tjera argëtimit, nën shoqërinë e kolegëve.