Përveçse është burimi lumturisë për shumicën e meshkujve, vagina, gjithashtu, është burim i konfuzioneve të ndryshme të pakëndshme. Nuk është vetëm kultura popullore për përshkrimin e gabueshëm për vaginën, madje edhe në qarqet shkencore dhe mjekësore kjo pjesë e anatomisë femërore një kohë të gjatë nuk është kuptuar siç duhet.
Disa vagina kanë dhëmbë
Miti mbi vaginën me dhëmbë (vagina dentata) ka qenë pjesë e besimeve popullore dhe është përhapur frika në pjesën më të madhe të botës, nga Rusia deri në Indi dhe Japoni. Në shumicën e këtyre tregimeve heroi mashkullor është detyruar t’i thyejë apo t’i shkulë këta dhembë para se të mund t’i qaset në mënyrë të sigurt seksit.
Vagina është vetëm një penis “i ftohur”
Trupat e meshkujve, sipas teorive të filozofëve dhe mjekëve grekë, Klaudije Galen, nga shekulli i dytë, janë të ngrohtë dhe të tharë, ndërkaq trupat e femrave të ftohtë dhe të lagësht. Vagina në të vërtetë është ashtu si edhe penisi, mirëpo për shkak që trupi i femrës është i ftohtë, organi gjenital gjendet brenda.
Vagina shkatërrohet nëse femrat shkollohen
Këtë teori e ka shpikur Henri Klark, profesor i Harvardit, në shekulli XIX. Sipas kësaj teorie, truri femëror nuk mund të përballojë të njëjtën përpjekje sikur edhe truri i mashkullit, mirëpo nëse damat do të shkolloheshin, ato angazhime do t’ua shkatërronin mitrën. Edhe disa shkencëtarë të asaj kohe kanë përkrahur teori të ngjashme.
Femrat e dhunuara nuk mund të mbeten shtatzëna
Ky mit i tmerrshëm ka qenë pjesë e një akti ligjor britanik i shekullit XIII. Në të është përshkruar që “femra e cila nuk ka pranuar seksin nuk mund të mbetet shtatzënë”. Femra e cila ka mbetur shtatzënë, ka shërbyer si dëshmi valide që nuk ka qenë e dhunuar.
Vagina “nga anash”
Këto thashetheme janë përhapur nëpër bordele të Kalifornisë në shekullin XIX, ndërkaq të tilla janë konsideruar femrat aziatike. Kjo ka qenë pjesë e fetishizmit racist të asaj kohe.
Gjaku menstrual mund të vrasë mashkullin
Në enciklopedinë romake nga shekulli i parë është shkruar që femra e cila i ka menstruacionit “i frikëson vetëtimat dhe bubullimat dhe i detyron frutat të bien nga pemët”. Në shekullin XIX ka mbizotëruar mendimi që mashkulli do të sëmuret nga gonorreja nëse bën seks me femrën e cila ka menstruacione. /Telegrafi/