Kukësi shkatërron Partizanin me 3 gola dhe duke mos i dhënë mundësinë të festojë. Golat u shënuan nga kroatit Pero Pejiç, Hair Zeqiri dhe Ylli Shameti në minutat 14, 39 dhe 64. Partizani pëson humbjen e parë pas 5 fitoreve dhe 1 barazimi. Pas ndeshjes trajneri i Partizanit, Shpëtim Duro tha se “skuadra u godit për gabimet e saj, por në çastet kur po luante mjaft mirë dhe se vuajti shtatlartësinë e kundërshtarit. Dalja me të kuqe e Idriz Bathas në minutën 42-të e rëndoi gjendjen e skuadrës pasi u prish barazpesha në fushë”.
Një vëmendje të vevëmendje të veçantë merre dhe goli i Pejiç. “Unë nuk kam thënë siç është interpretuar se Pejiçi nuk shënon, por se këtë sezon nuk i kishte shënuar skuadrave të mëdha dhe se shpresoja të mos e bënte ndaj nesh. Megjithatë, unë e uroj Pejiçin”– tha Duro që ka ende shpresë për titullin. “Kampionati është ende i hapur” – shton ai.
Në krahun tjetër trajneri i Kukësit, Artim Shaqiri pranon se kampionati është ende i gjatë, por sot u shfrytëzuan rastet përkundër në disa ndeshje që ishin humbur:
“Edhe pse ndeshja mund të përfundonte 4-0 apo 5-0 është me rëndësi që 3 pikët janë 3 pikë. Normalisht ka ndikuar dalja me të kuqe e një lojtari kundërshtar. Dihet që kur je 0-1 dhe të del një lojtar me të kuqe dhe pastaj shkon 0-2, është shumë-shumë e vështirë ta kthesh lojën”– tha Shaqiri. “Ne arritën ta kontrollonim lojën. Detyrat që u morën prej minutës së parë, u realizuan dhe ne morëm 3 pikë”-tha ai.
Java 22:
Të shtunën:
Kukësi-Partizani 3-0
Tirana-Elbasani 2-0
Teuta-Laçi 1-3
Flamurtari-Vllaznia
Apolonia-Skënderbeu